Баян-Өлгий аймгийн Онцгой комисс өнөөдөр /2021.09.17/ ээлжит 25 дугаар хуралдаанаа хийж, дараах шийдвэрүүдийг гаргалаа. Үүнд:
Үндэсний бөхийн барилдаан, сур харвааны тэмцээнийг ирэх сарын 15-ны өдрийг хүртэл зохион байгуулахгүй байхаар болов.
Малын гоц халдварт шүлхий өвчин гарсан тус аймгийн Дэлүүн, Булган сум болон Ховд аймаг, зүүн аймгуудаас бусад эрүүл бүсээс /Увс, Говь-Алтай, Завхан, Баянхонгор, Өвөрхангай, г.м./ мал оруулж ирэхийг зөвшөөрөв. Гэхдээ зөвхөн машинаар тээвэрлэнэ.
Албан байгууллагууд нэгдсэн зугаалга зохион байгуулахыг хориглов.
Халдвар хамгааллын дэглэмийг сайтар баримталж хурим найр зохион байгуулах тухай үйлчилгээний газруудын саналыг дэмжсэнгүй.
