Тулгар төр байгуулагдсаны 2233 жил, Их Монгол улс байгуулагдсаны 818 жил, Үндэсний эрх чөлөө, тусгаар тогтнолоо сэргээн мандуулсны 113 жил, Ардын хувьсгалын 103 жилийн ойн үндэсний их баяр наадмыг тохиолдуулан сумын цолтой болон залуу бөхчүүдэд сумын цол олгох барилдааныг Өлгий сумын Засаг даргын Тамгын газар, Биеийн тамир спортын газар, Үндэсний бөхийн холбоотой хамтран 2024.07.08 өдөр аймгийн Биеийн тамир,спортын газарт зохион байгууллаа.
Түрүү бөх Буянт сумын харьяат залуу бөх Бахытын Имангали сумын заан цол, үзүүр бөх Баяннуур сумын харьяат залуу бөх Базарханы Еламан сумын начин цол тус тус хүртэж, сумын заан Б.Ерханат, сумын заан Х.Жардембек нар шөвгөрлөө.
